యానిమేషన్ వీడియోల రూపంలో కల్కిలోని రోల్స్..

పాన్ ఇండియా స్టార్ ప్రభాస్ నటిస్తున్న చిత్రం కల్కి 2898 ఏడీ. ప్రభాస్ ఫ్యాన్స్ అంత ఎప్పుడు ఎప్పుడు రిలీజ్ అవుతుంది అని ఎదురుస్తున్నారు . సూపర్ హీరో కాన్సెప్ట్ తో సైన్స్ ఫిక్షన్ డిస్టోపియన్ మూవీగా యంగ్ టాలెంటెడ్ డైరెక్టర్ నాగ్ అశ్విన్ తెరకెక్కిస్తున్న విషయం అందరికి తెలిసిందే.ముందుగా మే9వ తేదీన విడుదల కావాల్సి ఉన్న, ఈ సినిమా రిలీజ్ పోస్ట్ పోన్ అవ్వడం ఖాయమే అన్నట్లు తెలుస్తోంది. మేకర్స్ కొత్త డేట్ ను కూడా లాక్ చేశారని వార్తలు వస్తున్నాయి.
అయితే ఈ సినిమా షూటింగ్ దాదాపు పూర్తి అయినట్లు టాక్ వినిపిస్తోంది. ప్రస్తుతం హాలీవుడ్ నిపుణులు వీఎఫ్ ఎక్స్ వర్క్స్ పూర్తి చేస్తున్నారు. ఇప్పటికే భారీ అంచనాలు క్రియేట్ చేసిన ఈ సినిమా హాలీవుడ్ రేంజ్ లో ఉండబోతోందని మేకర్స్ ఇన్ డైరెక్ట్ గా సంకేతాలు ఇచ్చారు. త్వరలోనే కొత్త రిలీజ్ డేట్ ను ప్రకటించనున్నారు. ఆ రోజు నుంచి ప్రమోషన్లు కూడా స్టార్ట్ చేయనున్నట్లు తెలుస్తోంది. అందులో భాగంగా మూవీ రిలీజ్ కు ముందు ఫ్యాన్స్ కు బిగ్ సర్ప్రైజ్ ఇచ్చేందుకు మేకర్స్ సిద్ధమవుతున్నట్లు వార్తలు వస్తున్నాయి. సినిమా కథను విడుదలకు ముందే చెప్తారంటూ టాక్ వినిపిస్తోంది. మూవీలోని రోల్స్ ను యానిమేషన్ వీడియోల రూపంలో మేకర్స్ పరిచయం చేయనున్నారట. ఈ ప్లీలూడ్ వీడియోస్ ను ఓటీటీలో రిలీజ్ అవుతాయని, దానికోసం ఓటిటీ ఛానల్ అయినా నెట్ ఫ్లిక్స్ ఇప్పటికే అగ్రిమెంట్ చేసుకుందన్న వార్తలు వస్తున్నాయి .

సరిగ్గా మూవీ రిలీజ్ కు నెల రోజుల ముందు ఈ వీడియోస్ స్ట్రీమింగ్ అవ్వనున్నాయట. ఇప్పటికే ఈ వీడియోలకు సంబంధించి యానిమేషన్ తో పాటు డబ్బింగ్ వర్క్ కూడా కంప్లీట్ అయినట్లు సమాచారం. త్వరలోనే మూవీ యూనిట్ అధికారికంగా ప్రకటించే ఛాన్స్ ఉంది. ప్రస్తుతం ఇండస్ట్రీలో ఈ యానిమేటెడ్ వీడియోస్ గురించి పెద్ద ఎత్తున చర్చ జరుగుతోంది. నాగ్ అశ్విన్ చేసే ప్లాన్ వీర లెవల్ లో ఉందని అంటున్నారు. కేవలం మూవీ హాలీవుడ్ రేంజ్ లో ఉండడం కాకుండా ప్రమోషన్స్ కూడా అదే రేంజ్ లో చేస్తున్నారని నెటిజన్లు చెబుతున్నారు. సినిమాపై మరిన్ని అంచనాలు పెరుగుతాయని అంటున్నారు. మూవీ కథ ఎలా ఉంటుందో తెలుసుకుని థియేటర్ కు వెళ్తే ఆ కిక్కే వేరని కామెంట్లు పెడుతున్నారు. ఈ సినిమా రిలీజ్ అయినా తర్వాత ప్రభాస్ ఫ్యాన్స్ ఆయన యాక్షన్ చూడడానికి థియేటర్స్ చుట్టూ క్యూ కడతారు అనే టాక్ వస్తుంది .