ఒప్పో వాచ్ 2...అక్కడ మాత్రమె లాంచ్

Written by : smtv Desk | Wed, Jul 21, 2021, 11:57 AM

ఒప్పో వాచ్ 2 స్మార్ట్ ఫోన్ జులై 27వ తేదీన లాంచ్ కానుంది. మొదటగా ఇవి చైనాలో మాత్రమే లాంచ్ కానున్నాయి. ఈ వాచ్ ఇప్పటికే చైనీస్ రిటైలర్ సైట్ జేడీ.కాంలో లిస్ట్ అయింది. ఈ ఫోన్ లాంచ్ తేదీని కంపెనీ వీబోలో అధికారికంగా ప్రకటించింది. దీనికి సంబంధించిన పోస్టర్‌ను విడుదల చేశారు. జేడీ.కాం లిస్టింగ్ ప్రకారం.. ఈ వాచ్‌లో చదరపు ఆకారంలో ఉండే డయల్‌ను అందించనున్నారు. దీంతోపాటు వాచ్ కుడివైపు రెండు బటన్లు కూడా ఉండనున్నాయి. బ్లాక్, గ్రే, ఆరెంజ్ రంగుల్లో దీని స్ట్రాప్‌లు ఉండనున్నాయి. గతేడాది లాంచ్ అయిన ఒప్పో వాచ్‌కు తర్వాతి వెర్షన్‌గా ఒప్పో వాచ్ 2 లాంచ్ కానుంది. గతంలో వచ్చిన లీకుల ప్రకారం.. 42, 46 మిల్లీమీటర్ల సైజున్న డయల్స్‌తో ఈ వాచ్ లాంచ్ కానుంది. డస్టీ గ్రే, మైన్ షాఫ్ట్, స్టీల్ బ్లూ, గోల్డ్ శాండ్, వాటర్ లీఫ్, మటీసే కలర్ ఆప్షన్లలో ఈ ఫోన్ లాంచ్ కానుంది. ఒప్పో వాచ్ 2లో క్వాల్‌కాం స్నాప్‌డ్రాగన్ వేర్ 4100 ప్రాసెసర్‌ను అందించనున్నట్లు తెలుస్తోంది. ఇందులో 16 జీబీ స్టోరేజ్ ఉండనుంది. ఒప్పో వాచ్‌లో 8 జీబీనే అందించగా, ఇందులో దాన్ని రెట్టింపు చేయడం విశేషం. దీని గ్లోబల్ ఎడిషన్ వాచ్ వేర్ఓఎస్‌పై పనిచేస్తూ ఉండగా, చైనీస్ మోడల్ మాత్రం ఆండ్రాయిడ్ 8.1 ఆధారిత ఆపరేటింగ్ సిస్టంపై పనిచేయనుంది.

దీంతోపాటు ఇందులో కొత్త వాచ్ ఫేసెస్‌ను అందించనున్నట్లు తెలుస్తోంది. స్ట్రెస్ డిటెక్షన్ ఫంక్షన్, ఒప్పో రిలాక్స్ యాప్ సపోర్ట్ కూడా ఇందులో ఉండనుంది. గతంలో లాంచ్ అయిన ఒప్పో వాచ్ 41ఎంఎం వేరియంట్‌లో 1.6 అంగుళాల అమోఎల్ఈడీ డిస్‌ప్లే, 46 ఎంఎం వేరియంట్లో 1.91 అంగుళాల కర్వ్‌డ్ అమోఎల్ఈడీ డిస్‌ప్లేను అందించారు.

దీని 46 ఎంఎం వేరియంట్లో 5ఏటీయం వాటర్ రెసిస్టెంట్, 41ఎంఎం వేరియంట్లో 3ఏటీయం వాటర్ రెసిస్టెన్స్ రేటింగ్ ఉండనుంది. దీంతోపాటు ఈ స్మార్ట్‌వాచ్‌లో బోలెడన్ని వర్కవుట్ మోడ్స్ కూడా ఉండనున్నాయి. ఇండోర్ రన్నింగ్, అవుట్‌డోర్ రన్నింగ్, అవుట్‌డోర్ వాకింగ్, అవుట్‌డోర్ సైక్లింగ్, స్విమ్మింగ్ వంటి ఫీచర్లు ఇందులో ఉండనున్నాయి.