రూ.125 పొదుపుతో రూ.27 లక్షలు!

Written by : smtv Desk | Sat, Jul 24, 2021, 07:12 PM

మీకు కూతురు ఉందా? పాప పేరుపై డబ్బులు కూడబెట్టాలని ఆలోచిస్తున్నారా? అయితే మీకు చాలా ఆప్షన్లు అందుబాటులో ఉన్నాయి. వీటిల్లో ఎల్‌ఐసీ కూడా ఉంది. ఎల్‌ఐసీ పలు రకాల పాలసీలు అందిస్తోంది. వీటిల్లో ఒక పాలసీలో డబ్బులు పెడితే కూతురి పెళ్లి కల్లా భారీ మొత్తం పొందొచ్చు. పెళ్లికి మాత్రమే కాకుండా ఉన్నత చదువుల కోసం కూడా ఈ డబ్బులను ఉపయోగించుకోవచ్చు. ఈ పాలసీ పేరు ఎల్ఐసీ జీవన్ లక్ష్య. మీరు ఈ పాలసీ తీసుకోవచ్చు. ఈ పాలసీ తీసుకోవడం వల్ల రెండు రకాల బెనిఫిట్స్ పొందొచ్చు. పాలసీ మెచ్యూరిటీ తర్వాత డబ్బులు వస్తాయి. పాలసీదారుడు మధ్యలోనే మరణిస్తే.. ప్రీమియం చెల్లించాల్సిన పని లేదు. అలాగే పాలసీ మొత్తంలో పాలసీ గడువు ఉన్నంత కాలం 10 శాతం వస్తూనే ఉంటుంది. మీరు 13 నుంచి 25 ఏళ్ల కాల పరిమితితో పాలసీ తీసుకోవచ్చు. ప్రీమియం డబ్బులు నెలా, మూడు నెలలు, ఆరు నెలలు, ఏడాది చొప్పున చెల్లించొచ్చు. 18 నుంచి 50 ఏళ్లలోపు వయసు కలిగిన వారు ఈ పాలసీ తీసుకోవచ్చు. పాలసీ తీసుకున్న రెండేళ్ల తర్వాత లోన్ తీసుకోవచ్చు.

ఉదాహరణకు 30 ఏళ్ల వయసులో ఉన్న వారు 25 ఏళ్ల పాలసీ టర్మ్‌తో ఈ పాలసీ తీసుకున్నారని అనుకుందాం. రూ.10 లక్షల బీమా మొత్తానికి పాలసీ తీసుకుంటే.. నెలకు రూ.3660 వరకు ప్రీమియం పడుతుంది. అంటే రోజుకు రూ.125 పొదుపు చేస్తే సరిపోతుంది. మెచ్యూరిటీ తర్వాత చేతికి దాదాపు రూ.27 లక్షలు లభిస్తాయి.