అదిరిపోయే లాభం...లక్షకు రూ.10 కోట్ల లాభం!

Written by : smtv Desk | Sat, Oct 09, 2021, 12:32 PM

అదిరిపోయే లాభం పొందాలని భావిస్తున్నారా? అయితే మీకు స్టాక్ మార్కెట్ ఒక ఆప్షన్ అని చెప్పుకోవచ్చు. ఈక్విటీ మార్కెట్‌లో డబ్బులు పెడితే భారీ లాభం పొందొచ్చు. అదేసమయంలో భారీ రిస్క్ కూడా ఉంటుందని గమనించాలి. పెట్టిన డబ్బులు కూడా తిరిగి రాకపోవచ్చు.

మార్కెట్‌లో మల్టీ బ్యాగర్ షేర్లు ఇన్వెస్టర్లకు భారీ లాభాన్ని అందించాయి. వీటిల్లో ప్రైవేట్ రంగానికి చెందిన ప్రముఖ బ్యాంక్ కోటక్ మహీంద్రా బ్యాంక్ షేరు కూడా ఉంది. ఈ షేరు దీర్ఘకాలంలో ఇన్వెస్టర్లకు భారీ లాభాన్ని అర్జించి పెట్టిందని చెప్పుకోవచ్చు.

ప్రస్తుతం కోటక్ మహీంద్రా బ్యాంక్ షేరు ధర రూ.1966 సమీపంలో ఉంది. ఈ షేరు ధర 20 ఏళ్ల కిందట కేవలం రూ.1.94 మాత్రమే. 2001 అక్టోబర్ 12న ఈ రేటు ఉండేది. అంటే ఈ షేరు ధర అప్పటి నుంచి చూస్తే ఏకంగా 1011 రెట్లు పరుగులు పెట్టింది.

అంటే 20 ఏళ్ల కిందట కోటక్ మహీంద్రా బ్యాంక్ షేరులో రూ.లక్ష ఇన్వెస్ట్ చేసి ఉంటే.. ఇప్పుడు ఇన్వెస్ట్మెంట్ విలువ రూ.10 కోట్లకు పైగా అయ్యి ఉండేది. అంటే దీర్ఘకాలంలో భారీ లాభం పొందొచ్చని తెలుసుకోవచ్చు. అందుకే షేర్ మార్కెట్‌లో దీర్ఘకాలంలో ఇన్వెస్ట్ చేయాలని సూచిస్తుంటారు.

ఇకపోతే కోటక్ మహీంద్రా బ్యాంక్ సమీప కాలంలో మరింత పెరగొచ్చని మార్కెట్ నిపుణులు అంచనా వేస్తున్నారు. కోటక్ షేరు ధర రూ.2100 చేరొచ్చని అభిప్రాయపడుతున్నారు. స్టాప్ లాస్ రూ.1900గా నిర్ణయించుకోవాలని సూచిస్తున్నారు.