సంక్రాంతి స్పెషల్ ఎపిసోడ్.. బాలయ్యతో కలిసి సందడి చేయబోతున్న వీరసింహారెడ్డి టీమ్

ప్రముఖ ఓటీటీ ప్లాట్‌ఫామ్ ఆహా నిర్వహిస్తున్న‘అన్‌స్టాపబుల్’ టాక్ షో ఓ రేంజ్ లో దుసుకుపోతుంది.. నట సింహ బాలకృష్ణ దీనికి హోస్ట్ గా చేస్తుండగా ఆయిన అక్కడకు వచ్చిన గెస్ట్ లా తో చేసే సందడి ప్రతి ఒక్కరిని ఆకట్టుకుంది.. ఈ క్రమంలోనే సంక్రాంతికి ప్రేక్షకుల కోసం సర్‌ప్రైజ్ ప్లాన్ చేసిన ఆహా టీమ్.. స్పెషల్ ఎపిసోడ్‌తో ముందుకు రాబోతోంది. ఈ ఎపిసోడ్‌లో ఎవరెవరు పాల్గొంటున్నారో తాజా పోస్టులో రివీల్ చేసింది.
ఆహా టీమ్ తమ అధికారిక ట్వీట్‌లో.. ‘వీరసింహారెడ్డి టీమ్ అన్‌స్టాపబుల్‌లో అడుగుపెడితే.. వీరలెవెల్ మాస్ పండుగ లోడింగ్.. ఫిక్స్ అయిపోండి, సంక్రాంతి పండగ రీసౌండ్ రావాల్సిందే..’ అని ట్వీట్ చేశారు. అంతేకాదు బాలకృష్ణ, వరలక్ష్మి, గోపీచంద్ మలినేని, హనీ రోజ్‌తో పాటు మైత్రీ సంస్థ ప్రొడ్యూసర్స్ నవీన్ ఎర్నేని, రవిశంకర్ చిత్రాలను కూడా షేర్ చేశారు. ఇవి బాలయ్య హోస్ట్ చేసిన ఎపిసోడ్‌కు హాజరైన చిత్రాలే కావడం విశేషం. కాగా ఈ ఎపిసోడ్‌కు సంబంధించిన ఫన్ ప్రోమో త్వరలో విడుదల కానుంది. ఈ స్పెషల్ ఎపిసోడ్ సంక్రాంతి కానుకగా జనవరి 13, 2023న ఆహా ఓటీటీ ప్లాట్‌ఫామ్‌లో ప్రదర్శించబడుతుంది. అయితే సంక్రాంతికి పవర్ స్టార్ పవన్ కళ్యాణ్ ఎపిసోడ్ స్ట్రీమింగ్ అవుతుందని ముందుగా పుకార్లు వినిపించాయి. కానీ ‘వీరసింహారెడ్డి’ విడుదల సందర్భంగా ఈ మూవీ టీమ్‌తో స్పెషల్ ఎపిసోడ్‌ ప్లాన్ చేశారు. దీని తర్వాత పవన్ ఎపిసోడ్ ప్రీమియర్ తేదీని ప్రకటించే అవకాశం ఉంది. కాగా.. ఇప్పటికే బాహుబలి స్టార్ ప్రభాస్ గెస్ట్‌గా పాల్గొన్న ఎపిసోడ్‌కు ఎంత క్రేజ్ వచ్చిందో తెలిసిందే. మరి పవర్ స్టార్ పవన్ కళ్యాణ్‌ ఎపిసోడ్‌కు ఇంకెంత క్రేజ్ ఉంటుందో ఎక్స్‌పెక్ట్ చేయొచ్చు.
ఏదేమైనా నట సింహం బాలకృష్ణ బీభత్సమైన ఫామ్‌లో ఉన్నారు. అటు వరుస సినిమాలు, ఇటు టాక్ షో హోస్టింగ్‌లో ప్రేక్షకులను అలరిస్తూనే.. మరోవైపు హిందూపురం ఎమ్మెల్యేగా ఆ నియోజకవర్గ ప్రజలకు సేవలందిస్తున్నారు. ఇక ఇప్పటికే యంగ్ కమర్షియల్ డైరెక్టర్ అనిల్ రావిపూడితో మరో సినిమా మొదలుపెట్టేశారు బాలయ్య. ఇది అవుట్ అండ్ అవుట్ ఎంటర్‌టైనర్‌గా మాస్ ఎలిమెంట్స్‌తో తెరకెక్కనుందని తెలుస్తోంది. అంతేకాదు త్వరలోనే ‘ఆదిత్య 369’ మూవీకి సీక్వెల్‌గా ‘ఆదిత్య 999’ చిత్రాన్ని ప్రకటించనున్నారు బాలయ్య. ఇందులో తన కుమారుడు మోక్షజ్ఞ ఎంట్రీ ఉంటుందని రూమర్స్ వినిపిస్తు్న్నాయి. అయితే అధికారిక ప్రకటన వచ్చేవరకు ఈ విషయంపై క్లారిటీ లేదు.