దర్శకధీరుడు జక్కన్న పై ప్రశంసల వర్షం కురిపించిన పుష్ప దర్శకుడు..

గత ఏడాది దర్శకధీరుడు రాజమౌళి తీసిన ఆర్ఆర్ఆర్ ప్రపంచ వ్యాప్తంగా దుమ్ము రేపోతుంది.. ఈ సినిమా ఎన్నో అంతర్జాతీయ అవార్డ్లను సొంత౦ చేసుకుంది.. అయితే ‘ఆర్ఆర్ఆర్’చిత్రం సాధించిన విజయాలు హలీవుడ్ ప్రముఖులు కూడా రాజమౌళిని గుర్తించేలా చేశాయి. ఇటీవలే లాస్ ఏంజెల్స్‌లో ఆర్ఆర్ఆర్ చిత్రాన్ని వీక్షించిన క్రిటిక్స్.. సినిమాపై ప్రశంసలు కురిపించారు. తాజాగా గోల్డెన్ గ్లోబ్ అవార్డ్స్‌ వేడుకల్లో ఈ చిత్రంలోని నాటు నాటు సాంగ్ బెస్ట్ ఒరిజినల్ స్కోర్ కేటగిరీలో అవార్డు గెలుచుకుంది. అయితే ఈ విజయానికి ముందే ‘పుష్ప’ మూవీ దర్శకుడు సుకుమార్ ఇన్‌స్టా వేదికగా రాజమౌళిపై చేసిన కామెంట్స్ వైరల్ అవుతున్నాయి.
సాధారణంగా మూవీ ప్రమోషన్స్, ఇంటర్వ్యూల్లో దర్శక ధీరుడు రాజమౌళి పట్ల అభిమానం ప్రదర్శించే సుకుమార్.. ఈసారి ఏకంగా సోషల్ మీడియా వేదికగా తన ఇష్టాన్ని చాటుకున్నాడు. రీసెంట్ ఇన్‌స్టాగ్రామ్ పోస్టులో రాజమౌళి లాస్ ఏంజిల్స్‌లో ప్రసంగిస్తున్న ఫొటోను షేర్ చేస్తూ ‘మై హీరో’ అంటూ స్పెషల్‌ పోస్ట్ పెట్టాడు. ఇది రాజమౌళిపై సుకుమార్‌కు ఉన్న ప్రేమ, గౌరవాన్ని తెలియజేస్తుండగా.. ఈ గెశ్చర్ పట్ల నెటిజన్లు ‘పుష్ప’ డైరెక్టర్‌ను ప్రశంసిస్తున్నారు. గతంలో తమ సినిమా ప్రమోషన్స్‌లో భాగంగా రాజమౌళి, సుకుమార్ కలిసి చిట్ చాట్ నిర్వహించిన సంగతి తెలిసిందే. ఈ సందర్భంగా సుకుమార్ వర్క్‌ను, ఆయన తీసే సీన్లు తనకు ఎంత నచ్చుతాయో రాజమౌళి వెల్లడించాడు. అలాగే రాజమౌళి తీసే భారీ యాక్షన్ సీక్వెన్స్‌లు, ఎమోషనల్ సీన్ల పట్ల సుకుమార్ కూడా తన ఇష్టాన్ని ప్రదర్శించాడు. మొత్తానికి అవకాశం వచ్చినపుడు ఇలా ఒకరికొకరు తమ వర్క్‌ను ప్రశంసించుకుంటూ ఉన్నారు.
ఇక ‘పుష్ప’ సినిమా ముందు వరకు సుకుమార్ సినిమాలు టాలీవుడ్‌ వరకే పరిమితమయ్యాయి. కానీ ‘పుష్ప’ ప్రీరిలీజ్ ఈవెంట్‌కు గెస్ట్‌గా వచ్చిన రాజమౌళి.. ఆ సినిమాను పాన్ ఇండియా వైడ్‌గా రిలీజ్ చేయాలని సూచించాడు. అన్నట్లుగానే ఈ చిత్రాన్ని హిందీలో కూడా రిలీజ్ చేయగా.. ఎలా కలెక్షన్లు కొల్లగొట్టిందో తెలిసిందే. ఇలాగే రాజమౌళి వర్క్‌‌‌కు వీరాభిమాని కూడా అయిన సుకుమార్‌కు ఆయనపై ప్రత్యేక అభిమానం ఏర్పడింది. ప్రస్తుతం భారతీయ దర్శకుల్లో అందనంత ఎత్తుకు ఎదగడం పట్ల ఉప్పొంగిపోయిన సుకుమార్.. తనను ఇన్‌స్పైర్ చేసిన, చేస్తున్న రాజమౌళిపై ఈ విధంగా ఇష్టాన్ని ప్రదర్శించాడు.