లారి పైకెక్కి డ్యాన్స్ చేస్తూ పడిపోయిన అజిత్ ఫ్యాన్.. చికిత్స పొందుతూ మృతి

తమిళనాడులో సంక్రాంతి సంబరాలు మూడు రోజుల ముందే మొదలైయ్యాయి.. కోలీవుడ్ లోని ఇద్దు స్టార్ హీరోల సినిమాలు ఈ రోజు విడుదలైన సందర్భంగా చెన్నై లో థియేటర్ దగ్గర అటు విజయ్ అభిమానులు ఇటు అజిత్ అభిమానులు రచ్చ చేస్తున్నారు.. ఈ క్రమంలో ఒక హీరో పోస్టర్లు మరొక హీరో అభిమానులు చించడంతో అక్కడ అజిత్ అభిమానులు, విజయ్ ఫ్యాన్స్ మధ్య కొట్లాట జరిగింది. ఆ గొడవలో ఓ ఫ్యాన్ మృతి చెందాడు. దీంతో పోలీసులు లాఠీఛార్జి చేసి అభిమానులను చెదరగొట్టారు.
చెన్నైలో తునివు సినిమా వేడుకలో అజిత్ అభిమాని మృతి చెందాడు. నగరంలోని రోహిణి థియేటర్ ముందు రహదారిపై వెళ్తున్న లారీ ఎక్కి ఫ్యాన్స్ డ్యాన్స్ చేశారు. ఆ సమయంలో ఓ అజిత్ అభిమాని లారీపై నుంచి కింద పడిపోయాడు. వెన్నెముకకు దెబ్బ తగలడంతో అతడ్ని వెంటనే ఆసుపత్రికి తరలించారు. అయితే చికిత్స పొందుతూ అతను మృతి చెందాడు. మరోవైపు రోహిణి థియేటర్‌లో ఉంచిన విజయ్ 'వారిసు' బ్యానర్‌లను అజిత్ ఫ్యాన్స్ చించేశారు. ఇది చూసిన విజయ్ ఫ్యాన్స్.. 'తునివు' పోస్టర్లను చించేశారు. పరిస్థితిని శాంతింపజేయడానికి పోలీసులు.. విజయ్, అజిత్ అభిమానులపై లాఠీఛార్జ్ చేయాల్సి వచ్చింది. బోనీ కపూర్ నిర్మాతగా, హెచ్ వినోద్ దర్శకత్వం వహించిన 'తునివు' సినిమా పాజిటివ్ టాక్ దక్కించుకుంది. మంజు వారియర్, వీర, అజయ్, జాన్ కొక్కెన్, ప్రేమ్, బక్స్, సముద్రఖని, మహానది శంకర్ కీలక పాత్రల్లో నటించారు. తమిళనాడులో నేటి తెల్లవారుజాము నుంచే ‘తునివు’, ‘వారిసు’ సినిమాల బెనిఫిట్ షోలు మొదలైపోయాయి. ‘వారిసు’ మంచి ఫ్యామిలీ ఎంటర్‌టైనర్ అని టాక్ వస్తోంది. అయితే, ‘తునివు’ సినిమాకు మాత్రం బ్లాక్ బస్టర్ టాక్ వినిపిస్తోంది. అజిత్ కుమార్ తన స్వాగ్‌తో చంపేశారని అంటున్నారు. అజిత్ వన్ మ్యాన్ షో చూపించారని.. మంజు వారియర్ కూడా మంచి పాత్ర చేశారని చెబుతున్నారు. ఈ మేరకు సినిమా చూసినవారు ట్విట్టర్ ద్వారా తమ అభిప్రాయాలను వెల్లడిస్తున్నారు. వీరిలో సినీ విమర్శకులతో పాటు సాధారణ ప్రేక్షకులు సైతం ఉన్నారు. దర్శకుడు హెచ్ వినోద్ తన దర్శకత్వ ప్రతిభతో కట్టిపడేశారని కొందరు అంటున్నారు. ‘తునివు’ ఫస్టాఫ్ రేసీ నెరేషన్, అజిత్ స్వాగ్‌తో అద్భుతంగా ఉందని.. ఇక సెకండాఫ్‌లో బ్యాంక్‌లు చేస్తున్న మోసాన్ని ఎక్స్‌పోజ్ చేశారట. ముఖ్యంగా సెకండాఫ్‌లో ఇచ్చే సోషల్ మెసేజ్ సినిమాకు హైలైట్ అని అంటున్నారు. బ్యాంకుల్లో సేల్స్ రిప్రజెంటేటివ్స్ చేస్తున్న మోసాల పట్ల ఈ సినిమా ద్వారా జనాల్ని ఎడ్యుకేట్ చేశారని కొంత మంది ఆడియన్స్ కొనియాడుతున్నారు. ఇక అజిత్ యాక్షన్, డైలాగులు, పాటలు సినిమాను మరో స్థాయిలో నిలబెట్టాయట. అజిత్ కెరీర్‌లోని గొప్ప సినిమాల్లో ‘తునివు’ ఒకటని అంతా ప్రశంసిస్తున్నారు. జిబ్రాన్ నేపథ్య సంగీతం కూడా అద్భుతంగా ఉందని అంటున్నారు. మొత్తం మీద భారీ అంచనాల నడుమ వచ్చిన ‘తునివు’ ఆ అంచనాలను అందుకోవడమే కాకుండా బ్లాక్ బస్టర్ కాబోతోంది.
https://twitter.com/i/status/1612995648814710787