కవలలకు జన్మనిచ్చిన మౌనిక.. క్లారిటీ ఇచ్చిన మంచు మనోజ్

Written by : smtv Desk | Wed, Mar 13, 2024, 07:51 PM

మంచు మనోజ్ 2004 లో దొంగ దొంగది సినిమాతో తెలుగు సినీ ప్రపంచానికి కథానాయకుడిగా పరిచయమయ్యాడు.అయితే ఈ మధ్య కాలంలో మంచు మనోజ్ సినిమాలతో కంటే వ్యక్తిగత విషయాలు మరియు కుటుంబ విషయాల వల్ల ఎక్కువగా వార్తల్లో ఉంటున్నారు. ఆ విషయాల గురించే నెట్టింట షికార్లు చేస్తున్నాయి. మొన్నటి వరకు కుటుంబంలో విభేదాలు అంటూ తెగ వార్తలు వచ్చాయి.
తాజాగా మంచు మనోజ్‌ భార్య ట్విన్స్ కు జన్మనిచ్చిందని, హీరో గారికి డబుల్‌ ధమాకా అన్నట్లుగా షికార్లు చేస్తున్నారు. నెట్టింట కొన్ని మార్ఫింగ్ ఫోటోలు కూడా వైరల్‌ అయ్యాయి. అయితే ఇప్పటి వరకు మంచు మనోజ్‌ ఎందుకు తన అధికారిక ఖాతా నుంచి చెప్పడం లేదు అన్నట్లుగా అంతా ఎదురు చూస్తున్నారు. ఎట్టకేలకు ఆయన సోషల్‌ మీడియా ద్వారా ఈ విషయమై స్పందించాడు.

తన భార్య మౌనిక ట్విన్స్ కు జన్మనిచ్చినట్లుగా సోషల్‌ మీడియాలో జరుగుతున్న ప్రచారం పూర్తిగా అవాస్తవం. ఆ సమయం వచ్చినప్పుడు కచ్చితంగా నా నుంచి అధికారికంగా ప్రకటన ఉంటుంది. అప్పటి వరకు ఎలాంటి పుకార్లు నమ్మవద్దు అంటూ చెప్పుకొచ్చాడు. ప్రస్తుతం మౌనిక రెడ్డి ఏడవ నెల గర్భవతిగా ఉన్నట్లుగా కూడా మనోజ్‌ చెప్పుకొచ్చాడు. మే లో తన డెలివరీ ఉండే అవకాశం ఉందని, అప్పుడు మా ఫ్యామిలీ పెరగనున్నట్లుగా మనోజ్ ప్రెస్ నోట్‌ లో పేర్కొన్నాడు. మొత్తానికి ట్విన్స్, డబుల్‌ ధమాకా అంటూ నెట్టింట జరిగిన ప్రచారంకు మనోజ్ చెక్ పెట్టాడు. ఇక మంచు మనోజ్ సినిమాల విషయానికి వస్తే ఆ మధ్య ఒక భారీ పాన్ ఇండియా సినిమాను మొదలు పెట్టాడు. కానీ కొన్ని కారణాల వల్ల ఆ సినిమా ఆగినట్లుగా తెలుస్తోంది. అయితే ఈ మధ్య కాలంలో సోషల్ మీడియాలో ఇలాంటి లేని పోనీ ప్రచారాలు ఎక్కువగా వస్తున్నాయి .