మన దేశంలో తక్కువ బడ్జెట్‌లో సమ్మర్ స్పెషల్ టూరిస్ట్ ప్లేస్‌లు

మార్చ్ నెల వచ్చింది అంటే చాలు పిల్లలు వారి తలిదండ్రులు ఎగ్జామ్స్ బిజీలో ఉంటారు . ఈ నేపథ్యంలో ఎగ్జామ్స్ టెన్షన్ నుంచి రిలీఫ్ పొందేందుకు అలాగే ఎగ్జామ్స్ అనంతరం సమ్మర్ టూర్ కు చాలా మంది వెళ్తారు.అల ఎంజాయ్ చేసి రావాలి అని అనుకుంటారు ఫ్యామిలీతో వెళ్లినా, ఫ్రెండ్స్‌తో వెళ్ళినా అనేక టూరిస్ట్ ప్లేస్‌లు ఆకర్షిస్తున్నాయి. ప్రకృతి రమణీయతతో పాటు సుసంపన్నమైన సాంస్కృతిక వారసత్వ ప్రదేశాలు టూరిస్టులకు ఓ మంచి అనుభూతినిస్తాయి. తక్కువ బడ్జెట్‌లో మనం భారతదేశంలో చూసి వచ్చే మంచి టూరిస్ట్ ప్లేస్‌ల గురించి తెలుసుకుందాం.

జిరో వ్యాలీ, అరుణాచల్ ప్రదేశ్
ఈశాన్య రాష్ట్రమైన అరుణాచల్ ప్రదేశ్‌లో దూరంగా ఉన్న జిరో వ్యాలీ ప్రకృతి ప్రేమికులకు, సాహస ప్రియులకు స్వర్గధామం. చుట్టూ దట్టమైన పచ్చదనం, సుందరమైన వరి పొలాలు, పొగమంచుతో ఉండే కొండలు పర్యాటకులను ఆకర్షిస్తాయి. జిరో వ్యాలీలో ట్రెక్కింగ్, క్యాంపింగ్, స్థానిక అపాటాని తెగతో సంభాషించవచ్చు. వారి ప్రత్యేక సంస్కృతి గురించి తెలుసుకోవచ్చు. మేఘనా గుహ దేవాలయం జిరో నుండి 6 కి.మీ దూరంలో ఉంది మరియు ఇది ఒక ప్రసిద్ధ పుణ్యక్షేత్రం. ఈ ఆలయం శివునికి అంకితం చేయబడింది మరియు సహజమైన గుహలో ఉంది. ఈ గుహ అందమైన స్టాలక్టైట్స్ మరియు స్టాలగ్మిట్‌లతో నిండి ఉంది, ఇది చూడడానికి మనోహరమైన దృశ్యం.

హంపి, కర్ణాటక
యునెస్కో ప్రపంచ వారసత్వ ప్రదేశం హంపి పురాతన పురావస్తు అద్భుతాల నిధి. కర్ణాటక నడిబొడ్డున ఉన్న విజయనగర సామ్రాజ్యానికి సంబంధించిన ఈ పూర్వ రాజధాని. అద్భుతమైన దేవాలయాలు, రాజ సముదాయాలు, బండరాళ్లతో నిండిన కొండలతో కూడిన అధివాస్తవిక ప్రకృతి దృశ్యాన్ని కలిగి ఉంది. పర్యాటకులు చారిత్రాత్మక సంపద మీదుగా తిరుగుతూ ఆధ్యాత్మిక వాతావరణాన్ని వీక్షించవచ్చు. హంపిలో బహుశ అందరూ చేసే మొదటి పని, అధ్భుతమైన గుళ్ళు అన్నిటిని చూడటం. పురాతన పుణ్యక్షేత్రం కావడం వల్లన విరూపాక్ష గుడి ఒక అందమైన కళాఖండం. మీరు చూడల్సిన మిగతా గుళ్ళలో కృష్ణ గుడి, అచ్యుతరాయ గుడి మరియు దాని సంత స్థలం, విఠ్ఠల గుడి ఇంకా కొండ మీద ఉన్న హేమకుట కట్టడం ముఖ్యమైనవి .


స్పితి వ్యాలీ, హిమాచల్ ప్రదేశ్
హిమాలయాలకు సంబంధించిన మారుమూల మూలల్లో ఉన్న స్పితి వ్యాలీ ప్రకృతి దృశ్యాల మధ్య ఏకాంతాన్ని కోరుకునే సాహస ప్రియులకు స్వర్గధామంగా ఉంటుంది. మంచుతో ఉన్న కొండలు, టిబెటన్ బౌద్ధ ఆరామాలతో స్పితి ప్రకృతి సౌందర్యం, సాంస్కృతిక గొప్పతనం ఆకట్టుకుంటుంది. ఇక్కడ పురాతన మఠాలను సందర్శించవచ్చు.

గోకర్ణ, కర్ణాటక
కర్ణాటకలోని సహజమైన తీరప్రాంతంలోని గోకర్ణ బీచ్ టూరిజాన్ని ఆశ్వాదించాలనుకునే వారికి మంచి ప్రదేశంగా ఉంటుంది. సహజమైన బీచ్‌లు, సుందరమైన సూర్యాస్తమయాలతో గోకర్ణ విశ్రాంతి తీసుకునే వారిని ఆకర్షిస్తుంది. తీర ప్రాంత రమణీయమైన ప్రదేశాలను ఆశ్వాదించే వారిని ఆకర్షిస్తుంది.అంతేకాకుండా ఇక్కడ పరమ శివుడి ఆత్మ లింగాన్ని కూడా దర్శనం చేసుకోవచ్చు .

ఈ విధంగా ఎన్నో ప్రదేశాలను ప్రభుత్వం వారు పర్యాటక ప్రాంతాలుగా తీర్చి దిద్దుతున్నారు . ఇవి అన్ని కూడా భారతదేశ సంపదను , ఆచారాలను సంప్రదాయాలను , కళాకండాలను, సాంస్కృతి యొక్క గొప్ప తనాన్ని తెలియచేస్తున్నాయి . మరి ఈసారి మీ టూర్ కి ఎక్కడికి ప్లాన్ చేసుకుంటారో వెంటనే డిసైడ్ చేసుకోండి ఇంకా ఆలస్యం దేనికి.